Etiquetas

22 mar. 2019

NOVE MESES, NOVE CANCIÓNS: MARZO

     A primavera xa chegou, solleira e florida... os días van facéndose máis longos e co solpor os grilos comezan a cantar. 
     Así que como proposta para este mes, que mellor que cantar nós a canción titulada "A primavera" de Mamá Cabra que narra ó pé da letra a estación que estamos empezando a experimentar. 



21 mar. 2019

DÍA DA POESÍA

     Hoxe celébrase o Día Internacional da Poesía ademáis do Día da Árbore. Por iso, para celebrar estas datas, propúxoselle ó alumnado crear haikus en galego. O haiku é unha miniatura poética de 17 sílabas, distribuidas en 3 versos. Procede do milenario Xapón e adoita facer referencia a escenas da natureza ou da vida cotiá. 


27 feb. 2019

O ENTROIDO

     Esta semana celebramos a festa do Entroido, que culminará o venres día 1 de marzo co desfile de disfraces. Cada día, o alumnado vai cumplindo os mandatos do Meco. 
     Tamén vaise facer unha pequena investigación dende as clases, sobre as diferentes máscaras que se poden atopar ó longo de toda a xeografía galega. 
     Así que, para ambientarnos un pouco, temos aquí un vídeo que consiste nunha montaxe feita antes do desfile dos Entroidos Turísticos de Galicia polas rúas de Santiago de Compostela en xaneiro de 2015.



25 feb. 2019

ACTO CONMEMORATIVO

     Hoxe baixamos o salón de actos, polos nosos chanzos versados,  para festexar o día de Rosalía. Conmemoramos esta data recitando algúns versos, cantando "Adeus ríos, adeus fontes" e bailando ó son da "Alborada de Rosalía".



24 feb. 2019

DÍA DE ROSALÍA

     Hoxe, día 24 de febreiro, celébrase o 182 aniversario do nacemento de Rosalía de Castro. 
     Hoxe, Galicia enteira festexa esta data con numerosos actos en recordo da poetisa: intervencións teatralizadas, ofrendas florais, degustacións do "Caldo de Gloria" según a receita da poetisa, conferencias, interpretacións musicais e lectura de poemas. 
     Mañán faremos no colexio unha pequena homenaxe a escritora para celebrar o seu nacemento. 




23 feb. 2019

AMBIENTACIÓN PARA O DÍA DE ROSALÍA

      O luns imos celebrar o aniversario do nacemento de Rosalía de Castro (24 febreiro 1837). O alumnado fixo un traballo excepcional decorando versos de célebres poemas da autora. Con estes versos foise cubrindo paredes e chanzos do colexio. Ademais tamén se encheu un mural co nome de Rosalía en diferentes tipografías. 


18 feb. 2019

A CASA DE ROSALÍA

     Rosalía de Castro residiu os últimos anos da sua vida nunha casa preto do casco urbano de Padrón. Agora é un museo onde se atopan recordos e obxectos persoais.
     Neste vídeo poderedes ver como é a casa tanto por fóra coma por dentro, e escoitar algúns retazos da vida desta gran poetisa.


15 feb. 2019

ROSALÍA DE CASTRO

        Se queredes saber un pouco  da vida desta gran muller, considerada unha das grandes figuras da nosa literatura, dexámosvos aquí un interesante traballo, atopado na rede, que ilustra moi ben quen foi Rosalía de Castro.